«Լոռու տարածաշրջանի զբոսաշրջության կառավարման գրասենյակ» ՀԿ-ն (Lori DMO) և «Լոռու Գիտելիքի նորարարական հաբ» նախաձեռնությունը հրավիրում են Լոռու մարզի Ստեփանավան, Գյուլագարակ, Լոռի Բերդ և Տաշիրի համայնքներում բնակվող Արցախից բռնի տեղահանված և տեղացի 18-45 տարեկան կանանց և երիտասարդներին մասնակցելու հետևյալ դասընթացներին (յուրաքանչյուրը՝ առնվազն 20 ժամ տևողությամբ).
✅ «Հյուրընկալություն և ադմինիստրատիվ աշխատանք»
✅ «Խոհարարություն և սպասարկում»
✅ «Թվային մարքեթինգ»
Դասընթացները ներառում են ոչ միայն մասնագիտական վերապատրաստում, այլև գործնական աշխատանք։ Հաջողությամբ ավարտած մասնակիցների համար կկազմակերպվի փափուկ հմտությունների դասընթացներ, որից հետո կկազմակերպվի հանդիպում զբոսաշրջության ոլորտի գործատուների հետ (recruitment road-show)՝ հարցազրույցներ անցնելու և աշխատանքի հնարավորություններ ստանալու նպատակով։
Ամբողջությամբ ավարտած մասնակիցներին կտրվի մասնակցության հավաստագիր։
📌 Դասընթացն անվճար է։
📌 Դիմել կարող են տեղացի և Արցախից բռնի տեղահանված կանայք ու երիտասարդները, որոնք բնակվում են Ստեփանավան, Գյուլագարակ, Լոռի Բերդ և Տաշիր համայնքներում։
📌 Յուրաքանչյուր անձ կարող է դիմել միայն մեկ դասընթացի։
⌛️ Դիմելու վերջնաժամկետը՝ 21․09․2025