Հիմք ընդունելով Ալեքս Զալինյանի դիմումը, 2005թվականի հունիսի 02-ի սեղանամատյան թիվ 4232 համայնքային սեփականությանը պատկանող հողային տարածքի վարձակալության իրավունքի տրամադրման պայմանագիրը, անշարժ գույքի վարձակալության իրավունքի գրանցման թիվ 0064583 վկայականը կազմված 10.12.2007թ.,ղեկավարվելով ՀՀ քաղաքացիական օրենսգրքի 188-րդ հոդվածի 4-րդ կետի 1-ին մասով, ՀՀ կառավարության 2005 թվականի հունիսի 09-ի թիվ 839-Ն որոշմամբ , ՀՀ Հողային օրենսգրքի 48-րդ հոդվածի 3-րդ կետով, 60-րդ հոդվածի և 66-րդ հոդվածի 3-րդ և 4-րդ կետերով «Տեղական ինքնակառավարման մասին» ՀՀ օրենքի 18-րդ հոդվածի 21-րդ կետով,ՀՀ Քաղաքաշինության մասին ՀՀ օրենքով, ՀՀ Քաղաքացիական օրենսգրքի 627-րդ հոդվածով, ՀՀ կառավարության «Պետական և համայնքային սեփականություն հանդիսացող հողամասերի օտարման, կառուցապատման իրավունքի և օգտագործման տրամադրման կարգը հաստատելու մասին» 2001 թվականի ապրիլի 12-ի թիվ 286 որոշմամբ` ավագանին որոշում է 1.Հաշվի առնելով այն հանգամանքը, որ Գյուլագարակ համայնքի Գարգառ գյուղում գտնվող` Ալեքս Զալինյանի վարձակալության իրավունքով 25 տարի ժամկետով տրամադրված հողամասը, ՀՀ կառավարության 2005 թվականի հոկտեմբերի 06-ի թիվ 1940-Ն որոշմամբ սեփականության իրավունքով փոխանցված է համայնքին որպես գյուղատնտեսական վարելահող 06-027-0193-0023 ծածկագրով, որը մասնավորեցման ենթակա հողամաս է, ընդգրկված չէ ՀՀ Հողային օրենսգրքի 60-րդ հոդվածով սահմանված հողամասերի ցանկում, գյուղատնտեսական նպատակային նշանակության, վարելահող գործառնական նշանակության 06-027-0193-0023 ծածկագրից 5,73 հա հողամասը 2120100 /երկու միլիոն հարյուր քսան հազար հարյուր / ՀՀ դրամ, ուղղակի վաճառքի ձևով օտարել վարձակալ Ալեքս Զալինյանին:
2.Ալեքս Զալինյանի հետ ՀՀ օրենսդրությամբ սահմանված կարգով կնքել հողամասն ուղղակի վաճառքով վաճառելու առուվաճառքի պայմանագիր:
3.Իրավունքը ենթակա է պետական գրանցման ԱԳ Կադաստրի Լոռու մարզային ստորաբաժանումում: |