Հիմք ընդունելով  Արմենուհի Վարազդատի Միրզոյանի կողմից ներկայացված դիմումը, Լոռու մարզի Գյուլագարակ համայնքի Հոբարձի գյուղում գտնվող 06-062-0031-0002 կադաստրային ծածկագրում ինքնակամ կառույցների օրինականացնելու խնդրանքը, «Դիանա Անդրանիկի Մկրտչյան» ԱՁ-ի կողմից տրված տեղագրական հատակագիծը, թիվ 2024B2XJKM հաշվառման տվյալների մուտքագրման տեղեկանքը, նկատի ունենալով, որ տվյալ կառույցների պահպանումը չի խախտում այլ անձանց իրավունքները և օրենքով պահանջվող շահերը, վտանգ չի սպառնում քաղաքացիների կյանքին և առողջությանը և քանի որ շինությունները կառուցված չեն քաղաքաշինության նորմերի և կանոնների էական խախտումներով, չեն առաջացնում հարկադիր սերվիտուտ պահանջելու իրավունք, ուստի ղեկավարվելոդվ՝ «Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 22 կետով, ՀՀ կառավարության 18.05.2006 թվականի թիվ 912 որոշման,ՀՀ Կառավարության 05․01․2022 թ․-ի թիվ 14-ն որոշմամբ սահմանված կարգով` որոշում եմ.

1․Հաստատել ՀՀ Լոռու մարզի Գյուլագարակ համայնքի Հոբարձի գյուղի 06-062-0031-0002 կադաստրային ծածկագրի հողամասի սահմանային չափերը և մակերեսը համաձայն «Դիանա Անդրանիկի Մկրտչյան» ԱՁ-ի կողմից կազմված հատակագծի։

2.Օրինականացնել Արմենուհի Վարազդատի Միրզոյանին իրավունքով պատկանող 0.08165 հա հողամասում 2010թ․ կառուցված 36․00 քմ մակերեսներով անասնաշենքը և 2019թ․ կառուցված 98․00 քմ մակերեսով ծածկը։

3. Օրինականացման համար համայնքի բյուջե վճարել՝ 36․00 քմ մակերեսներով անասնաշենքի համար 22750/քսաներկու հազար յոթ հարյուր հիսուն/ ՀՀ դրամ, 98․00 քմ մակերեսով ծածկի համար 61850/վաթսունմեկ հազար ութ հարյուր հիսուն/ ՀՀ դրամ, ընդհանուր 134 քմ մակերեսով շինությունների համար վճարել 84600 / ութսունչորս հազար վեց հարյուր/ ՀՀ դրամ, որը վճարվում է համայնքի բյուջեի թիվ 900255000078 հաշվեհամարին:

4. Օրինականացման համար սահմանված վճարը 60-օրյա ժամկետում չվճարելու դեպքում որոշումը համարել ուժը կորցրած:
5. Սույն որոշումն ուժի մեջ է մտնում ստորագրման պահից, որոշումից ծագող իրավունքները ենթակա են պետական գրանցման ՀՀ կադաստրի կոմիտեում: