Հիմք ընդունելով Մհեր Գևորգյանի դիմումը, անշարժ գույքի վարձակալության իրավունքի գրանցման թիվ 0064404 վկայականը՝ կազմված 15.09.2005թ.-ին, «Գագիկ Մեսրոպյան Վլադիմիրի» ԱՁ-ի կողմից տրված տեղագրական հատակագիծը, «ԻՆԵՔՍ» ՍՊԸ-ի կողմից տրված շինությունների գնահատման հաշվետվությունը, ղեկավարվելով ՀՀ կառավարության 09.06.2005թ․-ի թիվ 839-Ն որոշմամբ, ՀՀ Հողային օրենսգրքի 48-րդ հոդվածի 3-րդ կետով, 60-րդ հոդվածի, 66-րդ հոդվածի 3-րդ և 4-րդ կետերով, ՀՀ տարածքային կառավարման և ենթակառուցվածքների նախարարի տեղակալի 16․02․2021 թ․-ի թիվ ՎՏ/21․1/3557-2021 դիրքորոշումը, ՀՀ Քաղաքացիական օրենսգրքի 627 հոդվածով, պետական և համայնքային սեփականություն հանդիսացող հողամասերի օտարման, կառուցապատման իրավունքի և օգտագործման տրամադրման կարգը հաստատելու մասին ՀՀ կառավարության 12.04.2001թ. թիվ 286 որոշմամբ, հաշվի առնելով այն հանգամանքը, որ Գյուլագարակ համայնքի Կուրթան գյուղում գտնվող` Մհեր Գևորգյանին վարձակալության իրավունքով, 25 տարի ժամկետով տրամադրված հողամասը ՀՀ կառավարության 09.06.2005թ. N 839-Ն որոշմամբ սեփականության իրավունքով փոխանցված է համայնքին որպես արդյունաբերության, ընդերքօգտագործման և այլ արտադրական օբյեկտների հողամաս, որը մասնավորեցման ենթակա հողամաս է՝ Գյուլագարակ համայնքի ավագանին որոշում է. 1․ Արդյունաբերության, ընդերքօգտագործման և այլ արտադրական օբյեկտների նպատակային նշանակության, գյուղատնտեսական արտադրական գործառնական նշանակության 06-057-0073-0008 և 06-057-0073-0009 կադաստրային ծածկագրում գտնվող 0.38578 հա հողամասը և հողամասում առկա 001 և 002 շինությունները ուղղակի վաճառքի ձևով օտարել վարձակալ Մհեր Գևորգյանին:
2․ Հողամասի և հողամասում առկա 001 և 002 շինությունների գնման համար համայնքի բյուջե ենթակա է վճարման՝ 4290230/ չորս միլիոն երկու հարյուր իննսուն հազար երկու հարյուր երեսուն/ ՀՀ դրամ։
3. Մհեր Գևորգյան հետ ՀՀ օրենսդրությամբ սահմանված կարգով կնքել հողամասի և հողամասում առկա շինությունների ուղղակի վաճառքով վաճառելու առքուվաճառքի պայմանագիր:
4.Իրավունքը ենթակա է պետական գրանցման Կադաստրի կոմիտեի Լոռու մարզային ստորաբաժանումում: |