Տեղեկացնում ենք, որ ՀՀ վարչապետի 29.03.2022 թվականի թիվ 315-Ա որոշմամբ հաստատվել է Սահմանադրական բարեփոխումների մասնագիտական հանձնաժողովի անհատական կազմը: Հանձնաժողովը մշակելու է սահմանադրական բարեփոխումների հայեցակարգը, ապա նաև` Հայաստանի Հանրապետության Սահմանադրության փոփոխությունների նախագիծը:
Բարեփոխումների մասնագիտական հանձնաժողովի անդամներն սկսել են հանդիպումներ իրականացնել տարբեր կառույցների, մասնագիտական տարբեր շրջանակների հետ՝ հանդիպումների ընթացքում հնչած կարծիքներն ու առաջարկությունները հավաքագրելու և սահմանադրական բարեփոխումների խորհրդի քննարկմանը ներկայացնելու համար:
Հանձնաժողովի անդամները հանդիպում են նախատեսել նաև Լոռու մարզի համայնքների ղեկավարների, ավագանու անդամների, համայնքապետարանների աշխատակազմերի իրավաբանների կամ այլ համապատասխան մասնագետների, հասարակական կազմակերպությունների և այլ կառույցների ներկայացուցիչների հետ:
Հանդիպումը կկայանա ս./թ. հունիսի 23-ին ժամը 15:00-ին՝ Լոռու մարզպետարանի դահլիճում:
Մասնակցել ցանկացողները մինչև ս./թ. հունիսի 17-ը ժամը 13:00-ն կարող են դիմել Գյուլագարակի համայնքապետարան: