<<Շրջակա միջավայրի վրա ազդեցության գնահատման և փորձաքննության մասին>> ՀՀ օրենքի / 21.06.2024թ. Հ0-110-Ն/ և ՀՀ կառավարության 19.11.2024թ. N 1325-Ն որոշման հավելվածի համաձայն 2014թ.-ի ապրիլի 18-ին ժամը 12:00-ին Լոռու մարզի Գյուլագարակ խոշորացված համայնքի Գյուլագարակ բնակավայրում պետք է կազմակերպվի և իրականացվի՝ Լոռու մարզի Գյուլագարակ համայնքի Գյուլագարակ բնակավայրում հյուրանոցային համալիրի և մենատնային քոթեջների վերազինման աշխատանքներ (ջրագծի կառուցում) շրջակա միջավայրի վրա ազդեցության գնահատման հաշվետվության վերաբերյալ հանրային քննարկումներ /չորրորդ փուլ/ :

Սիրելի՛ կանա'յք , մայրե'ր, քույրե'ր և դուստրե'ր, սրտանց շնորհավորում եմ ձեզ Մայրության և գեղեցկության տոնի կապակցությամբ: Բոլոր ժամանակներում և գրեթե բոլոր հասարակություններում մայրության նկատմամբ եղել է և կա պաշտամունքի հասնող վերաբերմունք: Հայ իրականությունն ու ավանդույթները նույնպես դրա վառ արտահայտությունն են, և այս տոնը մայրերի նկատմամբ մեր ողջ հասարակության սիրո ու երախտագիտության խոստովանությունն է: Կրկին շնորհավորելով գարնանային այս գեղեցիկ տոնի առթիվ` մաղթում եմ, որ ձեր ընտանեկան օջախներում միշտ իշխեն սերն ու ջերմությունը:

Պետական աջակցության ծրագրերով սահմանամերձ բնակավայրերում մեկ ընտանիքին 5-6 տարվա ընթացքում կարող է տրամադրվել մինչև 60 մլն դրամ անհատույց աջակցություն։ Կառուցի՛ր տունդ։ Պետությունը սատար կկանգնի։

Այսօր Հիսուս Քրիստոսի հրաշափառ Հարության տոնն է: Շնորհավոր բոլորիս Սուրբ Զատիկը, թող մեր տները լցվեն ուրախությամբ, իսկ հոգիները՝ լույսով: Սուրբ Զատիկը ուրախության տոն է: Աղոթենք ու մաղթենք միմյանց հույս, հավատ ու սեր: Բարություն տարածենք, միմյանց թիկունք ու ապավեն դառնանք: Թող Աստծո օրհնանքը միշտ մեզ հետ լինի:Աստված մեր ժողովրդին Փրկիչ և Պահապան: Քրիստոս հայրավ ի մեռելոց: Օրհնյալ է հարությունը Քրիստոսի:

«Վորլդ Վիժն Հայաստան» և ԱՄՆ ՄԶԳ ֆինանսավորմամբ իրականացված «Հասանելի համայնքային սոցիալական ծառայություններ» ծրագրի շրջանակներում կատարած տնայցերի ժամանակ հավաքագրած տվյալների համաձայն հերթական աջակցությունը ստացան ԼՂՀ-ից բռնի տեղահանված և Գյուլագարակ համայնքում բնակություն հաստատած ընտանիքներից 3-ը՝ ովքեր նախկինում զբաղվել են այդ գործունեությամբ: Երկու ընտանիք ստացավ հրուշակագործության համար անհրաժեշտ գործիքներ,իսկ մեկ ընտանիք՝ էլեկտրական սղոց: Ծրագիրն իրականացվում է Գյուլագարակի համայնքապետարանի հետ համատեղ, համայնքի սոցիալական աշխատողի անմիջական մասնակցությամբ:

Երեխա ունեցող ընտանիքների բնակարանային ապահովության պետական աջակցության ծրագրի պայմաններում փոփոխություններ են իրականացվել․ երկարացվել է նաև միջոցառման գործողության ժամկետը՝ սահմանվելով մինչև 2026 թվականը։ Այսպիսով, ծրագիրն այսուհետ կիրականացվի հետևյալ պայմաններով՝ առաջին միջոցառմամբ՝ քաղաքացիներին միանվագ դրամական աջակցություն է տրվում մարզային բնակավայրերում հիփոթեքային վարկով բնակարան ձեռք բերելու կամ անհատական բնակելի տուն կառուցելու նպատակով, երկրորդ միջոցառմամբ՝ տրվում է միանվագ դրամական աջակցություն՝ հիփոթեքային վարկ մարող ընտանիքում երեխա ծնվելու դեպքում։ Առավել մանրամասն՝ https://bit.ly/49XQiFA: